Sejarah Desa

 

Nagari adalah satu kesatuan masyarakat Hukum Adat yang merupakan himpunan dari beberapa buah suku dan koto yang mempunyai wilayah sendiri dan harta kekayaan Nagari, yang telah diwarisi sejak dahulu kala secara turun temurun semenjak nagari itu berdiri (diparibu), yang bersifat otonom dan independen dibidang adat, sako jo pusako serta tetap diakui dan berdaya guna hingga kini dan masa yang akan datang.

Ba dusun mako ba taratak

Ba koto Mako ba nagari

Tasusun makonyo rancak

Sakato mako manjadi

Nagari Limo Koto merupakan bagian wilayah pemerintahan Kecamatan Koto VII dalam daerah Kabupaten Sijunjung. yang termasuk kedalam wilayah Nagari Limo Koto adalah sebagaimana yang di curai papahkan  dalam tambo atau sejarah Nagari Limo Koto yang berbunyi:

Ka utara Gunuang Kudo Bakotuok jo Bukik Surian di taruihkan ka Bukik Tigo Sameh. Dari Pulau Sarai di mudiekkan Bukik Kinari, dan di lingkuang dek jalan gadang, manapi ka Batang Ombilin, tibo di Lubuok Titian Antu. Mandaki ka Kubang Gajah, Kampuong Sianik Jo Batualan, Sopan Aru Jo Langiso, mangida ka Awua tanam, ka hilie jo Data Torok, Bukik Agang Latak Ujuongnyo.

Ka Salatan Bukik Kanduang jo Sumua Godang, parawuangan Jo Padang rumpuik, Awua satarimo ka Simpang Kumuih, durian jantan, mambelok ka Bukik Nan Bulek ditaruhkan ka sawah tigo suduik.

Ka Barat  Aluang Bakunci di Bukik Parambahan salingkaran Gunuang Kudo Bakotuok, Pandakian Lubuok Ukuran, sahiliran Bukik Siponieng-ponieng bajawek sampai ka batang ombilin di baliek ompang, di mudiekkan batang ombilin tatumbuak di Muaro Silonguong.

Ka Timur Bukik Nan Bulek ka banda dalam, taruih bukik cumalagi, dibelokkan ka batang tongek, dimudiek ka batuang badarah, taruih ka pamuro jo baliek ompang.

Walaupun kito lah samo tahu, takana juo dek hati nak manyabuik, tacinto dek angan nak ma-urai, pasa jalan dek di turuik, lanca kaji dek di ulang.

Manuruik susunan urang dahulu Nagari Limo Koto Pucuak Buleknyo balimo samo tinggi, mamimpin Koto ciek surang nan sahino samalu, salatak satayiek, salarang-sapantangan, itulah nan disabuik Datuak Nan Balimo, makonyo banamo nagari Limo Koto.Nan manolah urangnyo:

  1. Samburapi, pucuok bulek Batu Gandang salapan Korong mempunyai jabatan selaku “Tambangan Adat di Nagari”.
  2. Tan Bandaro, Pucuok bulek di baru, sakopieng barado di Batu Gandang, Sakopieng talatak di Koto Panjang, sampai ka Bukik Bual, mempunyai fungsi selaku “Taraju nan Bagotok di Nagari”
  3. Sampanhulu, Pucuok bulek di Batu tungga nan barado di Koto Panjang jo Bukik Bual, mempunyai fungsi selaku “Camin Taruih Nan Tak Padam” di Nagari
  4. Simarajo, Pucuok bulek di datar, nan barado di Koto Panjang mempunyai fungsi selaku “Bungka nan Piawai” dinagari
  5. Imbang Patih, Pucuok bulek di Aur Gading jo Tanjang Ampalu, taruih ka Mangkudu Kodok, sampai Bukik Bual, itulah nan mempunyai fungsi selaku “Kampua Leba” di Nagari